JI NAVDARÊN KURDÊN ÊZDÎ, ŞENDO AKYEL, DI ENCAMA QEZAYEKE TRAFÎKÊ DE JIYANA XWE JI DEST DA
Şendo Akyel di sala 1934an de, li gundê Bazbûtê yê girêdayî navçeya Qubînê (Bişêriyê) ye hatiye dinyayê. Malbata Akyel di destpêkê de li gundê Baximzê, di pey re li gundên Çinêriya, Gedûkê, Kanîrewa, Hecrê û herî dawî jî li gundê Texeriyê jiya ye.
Şendo Akyel jî tevî malbata xwe, heta sala 1966an zarokatî û ciwantiya xwe li van gundên navbûhûrî derbaskiriye. Di sala 1958an de bi qîza Ozmanê Xezalê, ku navdarek ji navdarên êzdiyan e re zewiciye û bavê 5 kur û 4 qîzan e.
Şendo Akyel di sala 1966de tê Almanya, bajarê Brakeyê yê nêzî Oldenburgê. Piştî demekê ew diçe bajarê Celleyê, ji wir xwe li dost û hevalên xwe digire tê Milîngenê û ji wir jî di sala 1972an de tê bajarê Emmerichê.
Gorbihişt Şendo Akyel sembola mêvanperweriya kurdên êzdî bû. Deriyê wî hertim ji mêvanan re vekirî bû û kesê bêkesan bû. Di hemû demên zor û zahmet de, hawara kesên hewcedar bû.
Hiskiriye axa welatê xwe, Xwedêjêrazî Şendo Akyel, di sala 1974an de, li Wêranşarê gundê Minminîk dikire û girêdana xwe ya bi axa bav û kalan re zêdetir dike. Piştî ew ji kar taqawît dibe, di sala 2000an de, bi hisreteke mezin vedigere gundê xwe Minminîk. Ji vê demê ve, piraniya salê dema xwe li wir didomand.
Şendo Akyel di sala 1966de tê Almanya, bajarê Brakeyê yê nêzî Oldenburgê. Piştî demekê ew diçe bajarê Celleyê, ji wir xwe li dost û hevalên xwe digire tê Milîngenê û ji wir jî di sala 1972an de tê bajarê Emmerichê.
Gorbihişt Şendo Akyel sembola mêvanperweriya kurdên êzdî bû. Deriyê wî hertim ji mêvanan re vekirî bû û kesê bêkesan bû. Di hemû demên zor û zahmet de, hawara kesên hewcedar bû.
Hiskiriye axa welatê xwe, Xwedêjêrazî Şendo Akyel, di sala 1974an de, li Wêranşarê gundê Minminîk dikire û girêdana xwe ya bi axa bav û kalan re zêdetir dike. Piştî ew ji kar taqawît dibe, di sala 2000an de, bi hisreteke mezin vedigere gundê xwe Minminîk. Ji vê demê ve, piraniya salê dema xwe li wir didomand.
Xwedêjêrazî Şendo Akyel, di 24.07.2012an de, di dema bi wesayîta xwe rêwitiyê dike, qezayeke kedernak derbas dike û di encamê de giran birîndar dibe. Piştî berxwedana 2 rojan, tevî hemû hewldanên tixtoran, mixabin di roja 26.07.2012an de, li nexweşxaneya Rihayê çavên xwe ji jiyanê re digire.
Termê Xwedêjêrazî Şendo Akyel, li ser wesiyeta wî, wê bi beşdariya endamên malbata wî û herwiha hezkiriyên wî, di 28.07.2012an de, li gundê wî Minminîk were veşartin. Malbata wî wê him li gund û him jî li Mala Êzdiyan Emmerich sersaxiyan qebul bike.
Em jî wek rêveberiya Mala Êzdiyan Emmerich bavê rêvebirên Mala Êzdiyan, hevalên me Rixda û Ferho, Xwedêjêrazî Şendo Akyel bi rêz û hûrmet bibîr tînin û dibêjin bila serê malbata wî, serê hemû dost û hevalên wî û serê û gelê me sax be, rehma Xwedê lêbe, cihê wî bihişta baqî be
Em jî wek rêveberiya Mala Êzdiyan Emmerich bavê rêvebirên Mala Êzdiyan, hevalên me Rixda û Ferho, Xwedêjêrazî Şendo Akyel bi rêz û hûrmet bibîr tînin û dibêjin bila serê malbata wî, serê hemû dost û hevalên wî û serê û gelê me sax be, rehma Xwedê lêbe, cihê wî bihişta baqî be
26.07.2012
DÎVANA MALA ÊZDIYAN EMMMERICH
